Aprobado inicialmente pola Comisión de Goberno en sesión que tivo lugar o día 15 de marzo de 2001, o proxecto técnico para a contratación de equipamento e mobiliario da residencia da 3ª idade e c. servicios sociais-anualidade 2001, redactado polo arquitecto Carlos Rosón Gasalla, e cun orzamento total de 10.000.000 de pesetas, exponse ó público durante o prazo de quince días hábiles para efectos de exame e reclamacións, considerándose aprobado definitivamente, se durante o citado período de exposición pública non se presentasen reclamacións.
Na mesma sesión da Comisión de Goberno, aprobouse o prego de cláusulas económico-administrativas que rexerá o concurso público por procedemento aberto, para a contratación da subministración de equipamento e mobiliario da residencia da 3ª idade e c. servicios sociais-anualidade 2001, expoñéndose ó público por un prazo de oito días hábiles, para os efectos de que os interesados poidan examinalo e formula-las alegacións que consideren oportunas.
Á súa vez convócase licitación pública para a adxudicación dos diferentes obxectos de contratación, que quedaría aprazada no suposto de presentarse reclamacións ó prego, reiniciándose, o que queda, a partir do día seguinte da resolución das reclamacións.
Obxecto.-É a adxudicación, mediante concurso polo procedemento aberto, dos seguintes obxectos de contrato:
a) Mobiliario de cociña (orzamento parcial nº 1 cociña-orzamento parcial nº 2 varios), polo orzamento de contrata de 3.713.392 pesetas.
b) Equipamento ascensor.-(orzamento parcial nº 1 accesibilidade-parcial nº 2 varios), polo orzamento de contrata de 6.286.608 pesetas.
Prazo de execución.-Tres meses para cada contratación.
Garantías.-A provisional establécese en 74.268 pesetas (obxecto A) e 125.732 pesetas (obxecto B), e a definitiva igual ó 4% dos importes das adxudicacións.
Presentación de proposicións.-Presentaranse para cada un dos dos obxectos de contratación na secretaría do concello, de 9 a 13 horas, durante o prazo de 15 días naturais, contados desde o día seguinte ó da publicación deste anuncio no BOP. Cando se presente algunha proposición económica por procedemento administrativo, o licitador deberá comunicalo inescusablemente, anunciándoo por fax ó concello, dentro do prazo de presentación.
Apertura de plicas.-Terán lugar ás nove horas do primeiro día hábil seguinte a aquel que termine o prazo de presentación de proposicións. Se ése fose sábado, terán lugar o primeiro día hábil seguinte.
Criterios de adxudicación.-Serán os fixados na correspondente cláusula do prego de condicións.
Modelo de proposición.-O recollido na correspondente cláusula do prego. Os licitadores presentarán simultaneamente coa proposición e en sobre á parte e pechado os documentos que se indican na referida cláusula.
Gastos.-Serán por conta da empresa adxudicataria os gastos dos anuncios así como tódolos os derivados do contrato.
Vila de Cruces, 19 de marzo de 2001.
O alcalde-presidente
Rubricado