A Comisión de Goberno, en sesión do vinteseis de marzo de dous mil un, acordou prestar aprobación definitiva ó proxecto de urbanización do polígono nº 1 da unidade de actuación nº 2 do Plan Xeral
de Ordenación Urbana, situada entre a rúa Luis Otero e a avenida de Compostela, formulado por Prycoga, Sociedad Limitada e redactado polo arquitecto Manuel Jesús Freijeiro, con visado da Delegación en Pontevedra do Colexio Oficial de Arquitectos de Galicia do 16-11-1999.
O que se fai público para a súa executividade, subliñándose que contra este acto administrativo, que pon fin á vía administrativa, se poderá interpoñer ben o recurso potestativo de reposición perante o mesmo órgano que o dictou e no prazo dun mes contado desde o día seguinte ó da súa modificación, consonte o establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.
De se interpoñe-lo recurso potestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º da Lei 30/1992, podéndose entón interpoñer recurso contencioso-administrativo dentro do prazo de seis meses contados desde o día seguinte a aquel no que se deba entender presuntamente desestimado o recurso de reposición interposto, conforme o establecido no artigo 46.1º e 4º da Lei 29/1998.
Non obstante, tamén se poderá interpoñer calquera outro recurso que os interesados coiden procedentes consonte dereito.
Pontevedra, 4 de abril de 2001.
Julio Dapena Outomuro
Secretario xeneral
P.D.
Xosé Cesáreo Mosquera Lorenzo
Tenente alcalde delegado da Área de Urbanismo
e Medio Ambiente
