De conformidade coa proposta elevada pola comisión constituída para xulga-lo concurso convocado por resolución desta universidade do 18 de maio de 2000 (BOE do 15 de xuño) para a provisión da praza de catedrático de universidade, da área de coñecemento de nutrición e bromatoloxía (Lugo), do departamento de Química Analítica, Nutrición e Bromatoloxía da Universidade de Santiago de Compostela, a favor de Alberto Cepeda Sáez tendo en conta que o interesado cumpre os requisitos a que alude o punto 2º do artigo 5 do Real decreto 1888/1984, do 26 de setembro;
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Alberto Cepeda Sáez catedrático de universidade da área de coñecemento de nutrición e bromatoloxía (Lugo), do Departamento de Química Analítica, Nutrición e Bromatoloxía da Universidade de Santiago de Compostela.
Santiago de Compostela, 6 de marzo de 2001.
F. Darío Villanueva Prieto
Rector da Universidade de Santiago de Compostela