Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: L.M.T.S. Sofreixas-Bermúdez de Castro.
Situación: Noia.
Características técnicas: liñas eléctricas subterráneas de media tensión a 20 kV baixo tubo e conductor R.H.V. 12/20 kV de 3x(1x240) mm Al, no concello de Noia:
-De 1.390 m de lonxitude, con orixe na liña que alimenta o C.T. de Sofreixas e remate no C.T. Bermúdez de Castro, unha vez que entre e saia do C.T. edificio Bahía.
-De 250 m de lonxitude con orixe no C.T. San Lázaro e remate no C.T. Espírito Santo.
-De 250 m de lonxitude con orixe no C.T. Trinidad e remate no C.T. edificio Lugilde.
-De 255 m de lonxitude con orixe no C.T. Ponte Traba e remate no C.T. San Bernardo.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 5 de marzo de 2001.
Jesús Espada Martínez
Delegado provincial da Coruña