A Consellería de Educación e Ordenación Universitaria e a Escola Galega de Administración Pública asinaron o 28 de xuño de 1999 un convenio de colaboración para a realización conxunta de actividades formativas nas administracións públicas de Galicia, e o recoñecemento mutuo dos certificados que acrediten o coñecemento da linguaxe administrativa ou xurídica galegas. Este convenio foi modificado en decembro de 1999.
A Confederación Intersindical Galega incluíu nos plans de formación continua dos anos 1998 e 1999 a realización de cursos de linguaxe administrativa galega.
Co obxecto de darlle a axeitada publicidade e ante as dúbidas que se lles presenta ós posuidores de certificacións da realización dos cursos de linguaxe administrativa galegas organizados pola Confederación Intersindical Galega ata decembro de 1999, cómpre publica-lo recoñecemento expreso destas certificacións e a equivalencia cos deseñados pola Dirección Xeral de Política Lingüística. En consecuencia,
DISPOÑO:
Artigo único.-Declarar como equivalentes ó curso medio de linguaxe administrativa galega, deseñado pola Dirección Xeral de Política Lingüística, os seguintes cursos, organizados pola Confederación Intersindical Galega e incluídos nos plans de formación continua dos anos 1998 e 1999 e dirixidos ós diferentes grupos de persoal ó servicio das administracións públicas:
Curso de linguaxe administrativa galega, manual de estilo, realizado desde o 1-6-1998 ó 12-6-1998, en Lugo.
Curso de linguaxe administrativa galega, manual de estilo, realizado desde o 28-9-1998 ó 19-10-1998, en Santiago de Compostela.
Curso de linguaxe administrativa galega, manual de estilo, realizado desde o 16-11-1998 ó 15-12-1998, en Vigo.
Curso de linguaxe administrativa galega, manual de estilo, realizado desde o 15-6-1999 ó 6-7-1999, en Melide.
Curso de linguaxe administrativa galega, manual de estilo, realizado desde o 1-10-1999 ó 10-11-1999, en Vigo.
Santiago de Compostela, 7 de marzo de 2001.
Celso Currás Fernández
Conselleiro de Educación e Ordenación Universitaria
CONSELLERÍA DE AGRICULTURA, GANDERÍA E POLÍTICA
AGROALIMENTARIA