Visto o texto da revisión salarial correspondente ó ano 2000 do convenio colectivo do sector do comercio de exportación de peixe fresco do porto da Coruña (código convenio 1500384) que tivo entrada nesta delegación provincial o día 9-2-2001, subscrito en representación da parte económica pola Asociación de Mayoristas Exportadores de Pescados y Mariscos de A Coruña en representación da parte social por CC.OO., CUT e UGT ó día 2-2-2001, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 16 de febreiro de 2001.
María Silva Costoya
Delegada provincial da Coruña
Acta da comisión mixta do convenio colectivo de exportadores de peixe fresco do porto da Coruña
Na Coruña o 2 de febreiro de 2001, sendo as 11 horas, reúnense no local da Asociación de Mayoristas, Exportadores de Pescado y Marisco de A Coruña, as persoas abaixo relacionadas, integrantes da comisión negociadora do convenio colectivo de peixe fresco do porto da Coruña.
Pola parte empresarial:
Eleuterio Lorenzo Vázquez
Antonio Pedregal Rodríguez
Por CC.OO.:
José Ramón Grela
Por CUT:
Teodoro Santamaría Antón
Miguel Ángel Fernández Lago
Asunción Rumbo García
Elisa Josefa Sanjurjo Ferreiro
Manuel Teixeira Pereira
Manuel Martínez Pombo (asesor)
Mario Díaz Bustamante (asesor)
Por UGT:
Nieves Montes Patiño
Despois dun breve debate, chégase ós seguintes acordos:
1. Aplica-la revisión salarial establecida no artigo 28 do convenio, que consiste nun 2,5% e con efectos do 1-1-2000.
2. Quedar á expectativa da convocatoria do CXRL (Consello Xeral de Relacións Laborais) para inicia-la negociación do convenio de exportadores de peixe de ámbito galego.
Sen máis asuntos que tratar levántase a reunión, sendo as 12.30 horas, asinando todos en proba de conformidade.
Táboa salarial
Categoría profesional Salario base transporte Total anual
Complemento
Total mensual
Grupo primeiro
Persoal técnico titulado
Tit. grao superior 121.412 9.704 131.116 1.966.740
Tit. grao medio 106.623 9.704 116.327 1.744.905
Grupo segundo
Persoal mercantil non titulado
Encargado establecemento 106.623 9.704 116.327 1.744.905
Oficial empacador 97.649 9.704 107.353 1.610.295
Empacador/a 93.965 9.704 103.669 1.555.035
Aprendiz de empacador 80.742 9.704 90.446 1.356.690
Comprador 106.623 9.704 116.327 1.744.905
Conductor 93.965 9.704 103.669 1.555.035
Grupo terceiro
Persoal administrativo
Oficial administrativo 93.965 9.704 103.669 1.555.035
Contable 93.965 9.704 103.669 1.555.035
Auxiliar administrativo 89.066 9.704 98.770 1.481.550
Aspirante 80.742 9.704 90.446 1.356.690