A Comisión Municipal de Goberno, na sesión ordinaria do día 25 de xaneiro de 2001, adoptou, por unanimidade, o seguinte acordo:

1. Inicia-lo expediente de expropiación forzosa dos bens e dereitos afectados para a execución do proxecto de urbanización na rúa Gregorio Fernández, entre a rampla de Sas e a rúa Fernández Mazas, polo procedemento de taxación conxunta.

2. Expoñer ó público o expediente de expropiación forzosa dos bens e dereitos afectados para a execución do proxecto de urbanización na rúa Gregorio Fernández, entre a rampla de Sas e a rúa Fernández Mazas, mediante anuncio no Diario Oficial de Galicia e nun xornal dos de maior circulación da provincia, por espacio dun mes, para que os que poidan resultar interesados formulen as observacións ou reclamacións que coiden convenientes, en particular sobre o que concirne á titularidade e valoración dos seus respectivos dereitos.

3. Notificar individualmente ós que aparezan como titulares de bens e dereitos no expediente, mediante traslado literal da correspondente folla de valoración e da proposta de fixación dos criterios de valoración, para que poidan formula-las alegacións no prazo dun mes.

Ourense, 1 de febreiro de 2001.

Manuel J. Cabezas Enríquez

Alcalde

Relación de propietarios afectados