Visto o escrito da acta do acordo da actualización das táboas salariais do convenio colectivo de limpezas de edificios e locais de Ourense para o ano 2001 (código de convenio 3200155-publicado no BOP nº 97, do 28-4-2000), con entrada nesta delegación provincial da Consellería de Xustiza, Interior e Relacións Laborais o día 31-1-2001, subscrito pola comisión paritaria do citado convenio colectivo, integrada polos membros da súa comisión negociadora o día 17-1-2001, de conformidade co disposto no artigo 90.2º e 3º do Estatuto dos traballadores, texto refundido aprobado polo Real decreto 1/1995, do 24 de marzo, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, e demais normas aplicables de dereito común;

Esta delegación provincial,

ACORDA:

Primeiro.-Ordena-la inscrición no libro de rexistro de convenios colectivos de traballo existente nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Unidade de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

Ourense, 7 de febreiro de 2001.

José Lage Lage

Delegado provincial de Ourense

Acta

En Ourense, ás 18 horas do día 17 de xaneiro de 2001, reúnese nos locais da Confederación Empresarial de Ourense a comisión paritaria do convenio colectivo de limpezas de edificios e locais de Ourense, a cal está formada polos membros da comisión negociadora do convenio colectivo para 2001, co fin de lle dar cumprimento ó acordado no convenio colectivo de 2000, para a actualización das táboas salariais para 2001. Tense en conta que o IPC de 2000 acadou o 4%, e chégase ó seguinte acordo:

1. Incrementa-las táboas salariais nun 4,5% para 2001, resultando os salarios que se sinalan nesta acta.

2. O complemento de trasporte queda fixado en 100 pesetas e o complemento de actividade en 225 pesetas.

ANEXO

Táboa salarial