De acordo co establecido na lexislación vixente sobre contratos das administracións públicas, a Consellería de Pesca, Marisqueo e Acuicultura anuncia a convocatoria de licitación, polo sistema de concurso aberto e trámite de urxencia, para a adquisición de cinco máquinas de lavado de caixas con destino ós portos pesqueiros de Cambados, Cariño, Portonovo, Muros e Bueu.
Obxecto: adquisición de cinco máquinas de lavado de caixas con destino ós portos pesqueiros de Cambados, Cariño, Portonovo, Muros e Bueu.
Orzamento e tipo: vintedous millóns cincocentas mil pesetas (22.500.000), IVE e outros impostos incluídos.
Prazo de entrega: segundo o prego de prescricións técnicas.
Documentación de interese: os pregos de cláusulas administrativas particulares e de prescricións técnicas que rexerán neste concurso estarán á disposición dos licitadores na oficina de Información da Consellería de Pesca, Marisqueo e Acuicultura en Santiago de Compostela, San Caetano, bloque 5, así como nas delegacións territoriais pertencentes a esta consellería, durante o prazo de presentación de proposicións, os días e horas hábiles de oficina; así mesmo, poderanse obte-los pregos relativos a esta contratación no seguinte enderezo da Internet: http://www.xunta.es/contratacion/resultado.asp?N=226.
Prazo e presentación de propostas: as proposicións poderán presentarse no rexistro da Consellería de Pesca, Marisqueo e Acuicultura en Santiago de Compostela, así como nos rexistros das delegacións territoriais pertencentes a esta consellería. O prazo de presentación rematará ás 14 horas do oitavo día natural seguinte ó da publicación desta resolución no Diario Oficial de Galicia.
No caso de utilizar calquera dos medios previstos no artigo 100 do Regulamento xeral de contratación do Estado, remitirase o mesmo día un telegrama ou fax á secretaría xeral, na que se comunique a presentación da oferta.
Apertura de proposicións: será realizada pola mesa de contratación, que se reunirá na Consellería de Pesca, Marisqueo e Acuicultura en Santiago de Compostela, ás dez trinta horas (10.30 horas) do cuarto día hábil contado a partir do seguinte ó do remate do prazo de presentación de propostas, sempre e cando este día non coincida en sábado ou festivo. Neste caso, tal día pasará a se-lo primeiro hábil seguinte.
O importe do anuncio será por conta do adxudicatario.
Santiago de Compostela, 14 de marzo de 2001.
Juan José Álvarez Pérez
Secretario xeral da Consellería de Pesca,
Marisqueo e Acuicultura