Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Barras Eléctricas Galaico-Asturianas, S.A.

Domicilio social: r/ Cidade de Viveiro 4, 27002 Lugo.

Denominación: reelectrificación de Teixeiro.

Situación: Riotorto.

Descricións técnicas: L.M.T. a 20 kV en conductor LA-56 de 348 m de lonxitude a C.T. de Teixeiro. L.M.T. subterránea a 20 kV en conductor R.H.Z. de 16 m de lonxitude con orixe no apoio 1 L.M.T. a Teixeiro e remate no C.T. de colexio. C.T. intemperie de 50 kVA e relación de transformación 20.000/380-220 V. C.T. prefabricado de colexio de 250 kVA e relación de transformación 20.000/380-220 V. Liña de baixa tensión de 780 m de lonxitude aérea en conductor R.Z. sobre apoios de formigón.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución;

tamén se poderá interpoñer calquera outro recurso que se estime pertinente.

Lugo, 8 de febreiro de 2001.

Jesús Bendaña Suárez

Delegado provincial de Lugo