O Consello da Xerencia Municipal de Urbanismo, en sesión do 25 de xaneiro de 2001, tivo coñecemento do avance do Plan Especial de Reforma Interior 6 Fonteoscura (Candeán) 05.04 (expte 6281/411), de iniciativa municipal, redactado polos arquitectos Anxo de la Puente Fernández e José Luis Varela Alén, con visado do COAG con data do 6 de novembro de 2000, así como das suxestións formuladas sobre el pola Oficina Técnica Municipal de Planeamiento.

Sométese o expediente ó trámite de información pública polo prazo dun mes, mediante anuncio que se publicará no Diario Oficial de Galicia e nun dos xornais de maior circulación da provincia co fin de que as distintas entidades e particulares poidan formula-las suxestións que consideren oportunas e presentar propostas e convenios urbanísticos que coiden procedentes.

O prazo de exposición entenderase aberto desde a primeira publicación ata o remate do mes contado desde o derradeiro anuncio. A documentación atópase na Oficina de Información da Xerencia Municipal de Urbanismo ó dispor do público.

Este anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu enderezo, non poidan ser notificados persoalmente.

Vigo, 8 de febreiro de 2001.

Lois Pérez Castrillo

Alcalde-presidente da Xerencia Municipal

de Urbanismo