De conformidade coa proposta elevada pola comisión constituída para xulga-lo concurso convocado por resolución desta universidade do 26 de xaneiro de 2000 (BOE do 24 de febreiro), para a provisión da praza de catedrático de universidade da área de coñecemento de xenética (Lugo), do departamento de Bioloxía Fundamental, da Universidade de Santiago de Compostela, a favor de Laura Elena Sánchez Piñón e, tendo en conta que a interesada cumpre os requisitos ós que alude o punto 2º do artigo 5 do Real decreto 1888/1984, do 26 de setembro;

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Laura Elena Sánchez Piñón catedrática de universidade da área de coñecemento de xenética (Lugo), do departamento de Bioloxía Fundamental, da Universidade de Santiago de Compostela.

Santiago de Compostela, 5 de febreiro de 2001.

F. Darío Villanueva Prieto

Rector da Universidade de Santiago de Compostela