Cumpridos os trámites regulamentarios no correspondente expediente administrativo, o Instituto

Galego da Vivenda e Solo anuncia a seguinte contratación polo sistema de concurso aberto.

Obxecto:

Adquisición de 300 vivendas en fase de proxecto en tódolos concellos da Comunidade Autónoma de Galicia.

Orzamento:

Tres mil millóns de pesetas (3.000.000.000 de pesetas).

Sistema de adxudicación:

Concurso aberto.

Garantía provisional:

Duascentas dezasete mil cento catro (217.104) pesetas por vivenda nas ofertas correspondentes á área xeográfica 01 e cento noventa e dúas mil cincocentas corenta e tres (192.543) pesetas por vivenda nas ofertas correspondentes á área xeográfica 02, que supón o 2% do prezo máximo dunha vivenda de 90 m con garaxe de 25 m e rocho de 6 m.

Documentación de interese para os licitadores:

Os pregos de cláusulas administrativas particulares e de prescricións técnicas que rexerán nesta contratación estarán de manifesto e á disposición dos interesados, para o seu exame, durante o prazo de presentación de proposicións no rexistro da sede dos servicios centrais do IGVS (polígono das Fontiñas, Área Central, s/n, Santiago de Compostela), desde as nove (9) ás catorce (14) horas, de luns a venres.

Modelo de proposicións:

A proposición económica deberá formularse estrictamente conforme o modelo que se xunta no anexo I do prego de claúsulas administrativas particulares.

Prazo de presentación de proposicións:

As proposicións presentaranse, nos días e horas hábiles, no antedito rexistro no prazo máximo de dous (2) meses contados desde o día seguinte ó da publicación desta resolución no Diario Oficial de Galicia. De cadra-lo último día en sábado ou festivo, o prazo para a presentación de proposicións rematará o primeiro día hábil seguinte. Cando a proposición se envíe por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante telegrama ou fax (nº 981 54 19 02) no mesmo día.

Apertura de proposicións:

A apertura das proposicións admitidas será realizada pola mesa de contratación, reunida en acto público na sala de xuntas da sede dos servicios centrais do IGVS, ás dez (10) horas do décimo primeiro (11) día natural contado a partir do seguinte ó da finalización do prazo de presentación de proposi

cións. Se ese día cadrase en sábado ou festivo, a mesa reunirase o primeiro día hábil seguinte á mesma hora.

Documentos que deben achega-los licitadores:

Serán os indicados na cláusula sétima do prego de cláusulas administrativas particulares.

Anuncio:

O importe dos anuncios da licitación será por conta dos adxudicatarios.

Santiago de Compostela, 13 de febreiro de 2001.

José Antonio Redondo López

Director xeral do Instituto Galego da Vivenda e Solo