Galego | Castellano

DOG - Xunta de Galicia -

Diario Oficial de Galicia
DOG Núm. 30 Luns, 12 de febreiro de 2001 Páx. 1.892

VI. ANUNCIOS

DA ADMINISTRACIÓN AUTONÓMICA

CONSELLERÍA DE XUSTIZA, INTERIOR E RELACIÓNS LABORAIS

RESOLUCIÓN do 2 de xaneiro de 2001, da Delegación Provincial de Pontevedra, pola que se dispón a publicación do acordo de apertura e prego de cargos formulada no expediente sancionador P-53/2000, incoado ó abeiro da Lei 14/1985.

Nesta delegación provincial séguese expediente sancionador número P-53/2000, contra Antonio Barros Sanjuán, e a empresa operadora Galijuegos, S.L. por presunta infracción da Lei 14/1985, do 23 de outubro, no que se resolveu, de conformidade co disposto no artigo 59.4º da Lei 30/1992, do 26 de decembro, de réxime xurídico das administracións públicas e do procedemento administrativo común, publica-lo acordo de apertura e prego de cargos por resultar descoñecido o domicilio de Antonio Barros Sanjuán.

Acordo de apertura.

O director xeral de Interior e Protección Civil, por delegación do conselleiro de Xustiza, Interior e Relacións Laborais, con data do 2 de novembro de 2000 adoptou o seguinte acordo:

Vista a acta número 02/130900, don data do 13 de setembro de 2000, levantada pola inspección de xogo no establecemento público denominado Bar Mar Azul sito na r/ Canido Praia, número 125 do concello de Vigo, remitida con proposta de apertura de expediente sancionador pola Delegación Provincial desta consellería en Pontevedra (escrito con data do 14-9-2000).

Considerando que os feitos denunciados poden ser constitutivos dalgunha das infraccións tipificadas nos artigos 28 e seguintes da Lei 14/1985, do 23 de outubro (reguladora dos xogos e apostas en Galicia), modificada pola Lei 7/1991, do 19 de xuño (de tributación sobre o xogo; disposición adicional terceira).

ACORDA:

1. Incoar expediente sancionador conforme o establecido na Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar, contra:

-A empresa operadora Galijuegos, S.L. CIF B-36273803.

-O titular ou responsable do establecemento, Antonio Barros Sanjuán. DNI 35.530.444.

2. Nomear instructor e secretaria respectivamente a:

-Juan Girón Astray.

-Clara Eugenia García Bermúdez.

3. Confirma-lo precinto e acorda-lo comiso da máquina recretiva tipo guindastre, modelo Crane Saurus.

Prego de cargos.

Primeiro.-Te-la empresa operadora Galijuegos, S.L. e Antonio Barros Sanjuán, instalada o día 13 de setembro de 2000 no establecemento público denominado Bar Mar Azul, sito na r/ Canido Praia, número 125, do concello de Vigo, unha máquina recreativa tipo guindastre, modelo Crane Saurus, carecendo de toda a documentación esixida legalmente para a súa instalación.

Segundo.-Tales feitos poden ser constitutivos dunha infracción moi grave ou grave tipificada no artigo 28 e seguintes da Lei 14/1985, do 23 de outubro (reguladora dos xogos e apostas en Galicia), modificada pola Lei 7/1991, do 19 de xuño (de tributación sobre o xogo; disposición adicional terceira).

Terceiro.-Confirma-lo precinto e acorda-lo comiso da citada máquina.

O que se notifica de acordo co disposto no artigo 7 da Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar, dispoñendo o interesado dun prazo de oito días para presentar prego de descargos, no que poderá solicita-lo recibimento a proba do expediente na forma prevista no punto 2 b) do citado precepto legal.

Pontevedra, 2 de xaneiro de 2001.

Juan Girón Astray

Instructor