Dentro dos programas de actividades que a Academia Galega de Seguridade, con colaboración coa Dirección Xeral de Protección Civil, ten previsto realizar no ano 2001, conforme as funcións que ten encomendadas pola Lei 4/1992, do 9 de abril, de creación da Academia Galega de Seguridade, anúnciase a celebración de 5 cursos de 2º nivel de iniciación ó salvamento e socorrismo acuático, que deberán desenvolverse conforme as seguintes bases:
Obxectivos.
Dota-lo persoal voluntario de protección civil que asiste ós cursos dunha formación teórico-práctica que lle facilite a realización das tarefas que ten encomendadas.
Destinatarios.
Os cursos van dirixidos ós membros das agrupacións de voluntarios de protección civil da Comunidade Autónoma de Galicia que previamente superasen o curso básico e teñan dominio dos tres estilos de natación seguintes: crol, braza e de costas.
Inscrición.
A inscrición dos participantes será totalmente gratuíta.
Solicitudes.
1. As persoas que desexen participar nestes cursos deberán presentar, cuberta á máquina ou con letra moi clara a instancia que figura no anexo.
2. O prazo para a presentación de instancias rematará o día 9 de marzo de 2001, ás 14 horas.
3. As instancias serán enviadas polo presidente da agrupación correspondente á sede da Academia Galega de Seguridade: avenida da Cultura, s/n, 36680 A Estrada, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Contido.
O contido dos cursos de 2º nivel de iniciación ó salvamento e socorrismo acuático divídese en tres partes:
a) Conceptos xerais.
b) Salvamento acuático.
c) Primeiros auxilios.
Duración e datas.
Os cursos celebraranse durante o ano 2001 e terán unha duración de 40 horas lectivas.
As datas de realización quedan por determinar en función do número e localización de solicitudes.
Relación de admitidos.
A relación de admitidos publicarase o día 23 de marzo de 2001 no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono: 986 59 00 21.
Lugar.
Por determinar en función das solicitudes recibidas.
Asistencia.
É obrigatoria a asistencia e puntualidade en tódalas actividades do curso. A falta de asistencia, aínda cando sexa xustificada, a máis dun 10% das horas lectivas programadas, determinará a cualificación de non apto no curso.
Certificado de aproveitamento.
Ó remate dos cursos entregaráselles un certificado de asistencia e aproveitamento a aquelas persoas que acrediten a súa asistencia continuada a eles, e superen as correspodentes probas de coñecementos.
Modificacións.
A Academia Galega de Seguridade poderá modifica-lo desenvolvemento dos cursos para adaptalos ás necesidades da Administración e ás continxencias que poidan xurdir.
A Estrada, 12 de xaneiro de 2001.
Juan José Fariñas-Ferro Rodríguez
Director xeral da Academia Galega de Seguridade