Para os efectos previstos na Lei 54/1997, do 27 de novembro, no artigo 9 do Decreto 2617/1966 e no artigo 10 e 16 do Decreto 2619/1966, sométese a información pública a petición da autorización, declaración de utilidade pública, en concreto, e a urxente ocupación da instalación eléctrica que se describe:

Solicitante: Iberdrola Diversificación, S.A.

Enderezo social: circunvalación, 17, 32350 A Rúa.

Denominación: liña 132 kV parque eólico de Larouco.

Situación: Xinzo de Limia e Cualedro.

Descricións técnicas: liña aérea de dobre circuíto a 132 kV, cun cable por circuíto máis un cable de fibra óptica como cable de terra, de 1.579 m de lonxitude, sobre apoios metálicos, derivada desde a subestación transformadora do parque eólico de Larouco e remata na liña a 132 kV Salas-Verín, propiedade de Unión Eléctrica-Fenosa, S.A.

A relación concreta e individualizada dos bens ou dereitos que se van expropiar, de non chegaren as partes a un acordo amigable, figura no anexo.

Todas aquelas persoas ou entidades que se consideren afectadas poderán presenta-las súas alegacións nesta delegación provincial, por duplicado, no prazo de trinta días, a partir da última publicación ou notificación individual.

Durante o dito período calquera persoa poderá achegar, así mesmo, por escrito, os datos oportunos para rectificar posibles erros na relación de persoas, bens e dereitos afectados, así como formula-las posibles alegacións por razón do disposto nos artigos 25 e 26 do regulamento da Lei 10/1966, de expropiación forzosa e sancións en materia de instalacións eléctricas.

Ourense, 15 de xaneiro de 2001.

Alfredo Cacharro Pardo

Delegado provincial de Ourense

Relación de bens e dereitos afectados

Liña a 132 kV, parque eólico Larouco

Liña a 132 kV Salas-Verín

Termo municipal de Xinzo de Limia (Ourense)

Relación de bens e dereitos afectados

Liña a 132 kV, parque eólico Larouco

Liña a 132 kV Salas-Verín

Termo municipal de Cualedro (Ourense)