O Consello da Xerenica Municipal de Urbanismo, en sesión do día 11 de xaneiro de 2001, acordou aprobar inicialmente a modificación do estudio de detalle no cuarteirón 36 do PEEC, García Barbón, 24-32, aprobado definitivamente o 30 de xuño de 1994, segundo a documentación presentada por José Ramón Iglesias e outros, redactada polos arquitectos Mª José Maldonado Tornero e Alberto Iglesias Álvarez, visada o 2 de abril de 2000.
Sométese o presente expediente ó trámite de información pública polo prazo dun mes, a través de publicación no Diario Oficial de Galicia nun dos xornais de maior circulación da provincia e no taboleiro de anuncios da Xerencia Municipal de Urbanismo, segundo o establecido no artigo 42.1º, significando que o prazo de exposición pública se entenderá aberto desde a primeira publicación ata o remate do mes contado desde o derradeiro anuncio.
A documentación do presente expediente atópase ó dispor do público en xeral na Oficina de Información Urbanística, na planta baixa da xerencia.
O presente anuncio servirá de notificación, nos termos establecidos no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para todos aqueles propietarios ou interesados directamente afectados que por resultar descoñecido ou ignorado o seu domicilio non poidan ser notificados persoalmente.
Fíxese no taboleiro da Xerencia Municipal de Urbanismo.
Vigo, 23 de xaneiro de 2001.
Lois Pérez Castrillo
Alcalde-presidente da Xerencia Municipal
de Urbanismo