Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Electra Alto Miño, S.A.
Domicilio social: apartado 28, 36280 Vigo.
Denominación: L.M.T., C.T. rúa Rafael Tilve-edificio Wenceslao Lemos.
Situación: concello de Salceda de Caselas.
Descricións técnicas: L.M.T. a 15/20 kV, soterrada, con conductor tipo R.H.V. de 285 m de lonxitude, desde o apoio nº 6 da L.M.T. circunvalación Salceda ó C.T. proxectado. C.T. de 400 kVA, relación de transformación 15/20 kV-230/420 V, na rúa Rafael Tilve-edificio Wenceslao Lemos, no concello de Salceda de Caselas.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran
nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte ó da súa notificación. Tamén poderá interpor calquera outro recurso que considere pertinente o seu dereito.
Pontevedra, 14 de decembro de 2000.
Carmen Bianchi Valcarce
Delegada provincial de Pontevedra