Instalación: parque eólico de Meda.

Concello: Montederramo.

Entidade beneficiaria: Iberdrola Diversificación, S.A.

Data, lugar e hora da convocatoria: día 5-2-2001 na Casa do Concello de Montederramo de 10 a 11 horas.

Por resolución da Dirección Xeral de Industria do 30-6-2000 foi autorizada, a favor da citada entidade beneficiaria, a instalación de producción eléctrica de referencia e concedida a declaración de utilidade pública por outra da Consellería de Industria e Comercio do 8-11-2000, coas consecuencias establecidas no artigo 54 da Lei 54/1997, do 27 de novembro, do sector eléctrico, de necesidade de ocupación dos bens ou de adquisición dos dereitos afectados e a urxente ocupación para os efectos do artigo 52 da Lei de expropiación forzosa (en diante LEF), do 16 de decembro de 1954.

Na súa virtude, en aplicación do citado artigo 52 da LEF

RESOLVO:

Convoca-los titulares dos bens e dereitos afectados na casa do concello onde están os predios, no día

e horas indicados no encabezamento, para, de conformidade co procedemento establecido, levar a cabo a redacción das actas previas á ocupación nas que se describirán os bens obxecto da imposición de servidume e se fará consta-las manifestacións e datos que sexan útiles para determina-los dereitos afectados. A orde de redacción das actas comunicaráselle a cada interesado mediante a oportuna cédula de citación.

Os titulares dos predios afectados, que figuran na relación que se acompaña, que tamén se expón no taboleiro de edictos do concello, deberán acudir persoalmente ou representados por persoa debidamente autorizada, achegando os documentos acreditativos da súa titularidade e o último recibo da contribución; se o estiman oportuno pódense facer acompañar dos seus peritos e un notario, pola súa conta.

Segundo establece o artigo 56 do regulamento da LEF, aprobado polo Decreto do 26 de abril de 1957, ata o mesmo momento do levantamento de actas previas os interesados poderán formular alegacións perante este organismo expropiante para os efectos de emendar posibles erros que se padecerán ó relaciona-los bens afectados pola urxente ocupación.

Ourense, 22 de decembro de 2000.

Alfredo Cacharro Pardo

Delegado provincial de Ourense

Relación de afeccións por expropiación forzosa

Parque eólico de Meda

Concello de Montederramo