Por Resolución do 20 de novembro de 2000, da Dirección Xeral da Función Pública, publicada no DOG nº 231, do 29 de novembro, apróbanse as relacións de aspirantes admitidos e excluídos nas probas selectivas para cubrir, mediante o nomeamento de persoal interino, 14 postos de traballo do corpo de xestión de Administración da Xunta de Galicia (grupo B), analista-programador. (Corrección de erros DOG nº 238, do 11 de decembro).

Transcorrido o prazo sinalado na dita Resolución do 20 de novembro, para a presentación de emendas relativas á citada relación de admitidos e excluídos, de conformidade co establecido na base quinta das que rexen as probas selectivas convocadas pola Orde do 12 de setembro de 2000, publicada no DOG nº 190, do 29 de setembro, esta dirección xeral

RESOLVE:

Aproba-las listas definitivas de admitidos e excluídos das probas selectivas para cubrir, mediante o

nomeamento de persoal interino, 14 postos de traballo do corpo de xestión de Administración da Xunta de Galicia (grupo B), analista-programador, que figuran como anexo a esta resolución.

Para os efectos de información, o teléfono de contacto é o 902 12 00 12 das 9 ás 19 horas de luns a venres e das 9 ás 14 horas os sábados.

Os solicitantes excluídos disporán do prazo dun mes contado a partir do día seguinte ó da publicación desta resolución no Diario Oficial de Galicia, para solicita-la devolución dos dereitos de exame aboados, debendo consigna-lo nome e apelidos, NIF, grupo/s ós que se presentou e o nº de conta, entidade bancaria e localidade desta.

Contra esta resolución, que pon fin á vía administrativa, poderase interpoñer, con carácter potestativo, recurso de reposición ante o conselleiro da Presidencia e Administración Pública, no prazo dun mes contado desde o día seguinte ó da publicación desta resolución no Diario Oficial de Galicia, ou directamente o recurso contencioso-administrativo, no prazo de dous meses contados desde a mesma data, á elección do interesado, perante o xulgado do contencioso-administrativo da circunscrición na que teña o seu enderezo ou o da Coruña, conforme os artigos 8, 14 e 46 da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 8 de xaneiro de 2001.

Joaquín López-Rúa Soler

Director xeral da Función Pública

Relación definitiva de admitidos ás probas selectivas para cubrir, mediante nomeamento de persoal interino, 14 postos de traballo no corpo de xestión de Administración da Xunta de Galicia (grupo B), escala de sistemas e tecnoloxía da información.

Relación definitiva de excluídos ás probas selectivas para cubrir, mediante nomeamento de persoal interino, 14 postos de traballo no corpo de xestión de Administración da Xunta de Galicia (grupo B), escala de sistemas e tecnoloxía da información.