Realizado o 26 de decembro de 2000 o acto de apertura dos sobres que contiñan os votos para a elección de vocais da Comisión Galega de Artesanía, que representan os artesáns de cada provincia, inscritos na sección terceira do Rexistro Xeral de Artesanía de Galicia, e realizado o seu escrutinio de conformidade co disposto no artigo 8 da Orde do 1 de setembro de 2000 pola que se regula o procedemento de elección dos vocais da Comisión Galega de Artesanía que representan os artesáns inscritos na sección terceira do Rexistro Xeral de Artesanía
de Galicia, a Dirección Xeral de Programas Industriais e Infraestructuras Tecnolóxicas
RESOLVE:
Proclama-los candidatos electos da Comisión Galega de Artesanía que representan os artesáns inscritos na sección terceira do Rexistro Xeral de Artesanía de Galicia:
Pola provincia da Coruña: Eloy Gesto Ferreiro.
Pola provincial de Lugo: Fernando Díaz Cortiñas.
Pola provincia de Ourense: Ana Camba Rivas.
Pola provincia de Pontevedra: María Silva Pérez.
Contra esta resolución, que non esgota a vía administrativa, poderá interpoñerse recurso de alzada ante o conselleiro de Industria e Comercio, no prazo dun mes a partir do día seguinte a aquel en que teña lugar a presente publicación; tamén poderá interpoñerse calquera outro recurso que estime pertinente ó seu dereito.
Santiago de Compostela, 27 de decembro de 2000.
José Manuel González González
Director xeral de Programas Industriais
e Infraestructuras Tecnolóxicas