Detectados erros nas listas publicadas pola Resolución do 16 de outubro de 2000 (DOG nº 262, do 26 de outubro), correspondentes ó corpo de xestión de administración da Xunta de Galicia (grupo B), escala técnica de finanzas (lista B), e unha vez emendados estes pola correspondente comisión, esta dirección xeral
RESOLVE:
Primeiro.-Facer públicas as listas para a cobertura, con carácter temporal, de postos de traballo reservados a persoal funcionario correspondentes ó corpo de xestión de administración da Xunta de Galicia (grupo B), escala técnica de finanzas (lista B). De conformidade co disposto no artigo 4.3º do Decre
to 89/1997, do 10 de abril, e a base 2ª da Resolución do 23 de maio a comisión permanente establece o número máximo de aspirantes admitidos para esta escala naqueles que teñan unha puntuación igual ou superior a 1 punto; as ditas listas están expostas da forma que seguidamente se indica:
Anexo I: figuran os solicitantes admitidos na lista con indicación da puntuación provisional.
Anexo II: figuran os solicitantes excluídos con expresión da causa de exclusión.
Anexo III: figuran os solicitantes que, en aplicación do previsto no artigo 4.3º do Decreto 89/1997, do 10 de abril, e na base 2ª da Resolución do 23 de maio de 2000 da Dirección Xeral da Función Pública, non están admitidos na lista.
Segundo.-Os citados anexos atópanse expostos nas seguintes dependencias:
-Dirección Xeral da Función Pública da Consellería da Presidencia e Administración Pública.
-Servicio de Información e Atención ó Cidadán da Consellería da Presidencia e Administración Pública.
-Delegacións provinciais da Consellería da Presidencia e Administración Pública.
Terceiro.-Os interesados disporán dun prazo de 10 días hábiles contados a partir do seguinte ó da publicación da presente resolución no Diario Oficial de Galicia para a emenda de erros e, se é o caso, formula-las oportunas alegacións, que irán dirixidas á correspondente comisión permanente de selección de persoal funcionario (Dirección Xeral da Función Pública, Consellería da Presidencia e Administra
ción Pública, edificios administrativos de San Caetano, s/n, Santiago de Compostela).
Unha vez transcorrido o prazo citado con anterioridade e, se é o caso, levaranse a efecto as emendas procedentes; disto darase a oportuna publicidade.
Cuarto.-Os solicitantes que figurando excluídos ou non admitidos na Resolución do 16 de outubro de 2000, pasen a integrarse na lista de admitidos que figura no anexo I (lista B), estarán obrigados, no prazo de 10 días hábiles contados a partir do día seguinte ó da publicación no Diario Oficial de Galicia das listaxes provisionais, a lle remitir á Dirección Xeral da Función Pública o xustificante do aboamento da taxa que a seguir se expresa:
Grupo B: 6.580 pesetas.
Estarán exentos do aboamento das taxas por dereito de inscrición na categoría correspondente os que foran admitidos no último proceso selectivo para o acceso á mesma escala, de acordo coa base 3ª da resolución da Dirección Xeral da Función Pública, do 23 de maio de 2000.
Os que non o fixeran no prazo sinalado serán excluídos automaticamente das listas.
Así mesmo, gozarán da exención desta taxa as persoas con discapacidade igual ou superior ó 33% logo de xustificación documental.
Santiago de Compostela, 11 de decembro de 2000.
Joaquín López-Rúa Soler
Director xeral da Función Pública