A Sociedade Galega do Medio Ambiente, S.A., de acordo co establecido na Lei 10/1996, do 5 de

novembro, anuncia a convocatoria de selección de persoal de cadro para os postos seguintes:

1. 2 Secretarias de dirección (ref. S. Dir: apdo. 15, 15680-Ordes (A Coruña).

Titulación mínima: FP2 administrativo ou similar.

Experiencia: experiencia mínima de 4 anos en posto similar.

2. 2 Oficiais administrativos contabilidade (ref. OAC, apdo. 20, 15680-Ordes (A Coruña).

Titulación mínima: FP1 administrativo contabilidade.

Experiencia: experiencia mínima de 4 anos en posto área de contabilidade.

3. 1 Oficial ordenanza conductor (ref. ODC, apdo. 24, 15680-Ordes (A Coruña).

Título: graduado escolar, permisos conducir B1, B2, C1, C2 e D.

Experiencia: experiencia mínima de 4 anos.

4. 1 Enxeñeiro superior industrial (ref. ISI, apdo. 13, 15680-Ordes (A Coruña).

Título: enxeñeiro superior industrial.

Experiencia: experiencia mínima de 10 anos en montaxes e maquinaria de instalación industriais.

Presentación de solicitudes.

Os interesados que cumpran os requisitos mínimos establecidos anteriormente deberán remitir por correo certificado, ó apartado correspondente ó posto que se solicita (indicando no sobre a ref. correspondente), os seus datos persoais (nome e apelidos, DNI, enderezo, teléfono, e fax), así como un currículum vitae detallado (xustificando documentalmente mediante certificado orixinal, ou fotocopia compulsada, os títulos que posúe).

As solicitudes deberán enviarse no prazo improrrogable de 15 días naturais a partir do día seguinte ó da publicación deste anuncio no DOG.

Inicio das probas.

En ningún caso se realizarán antes dun mes contado desde o día seguinte ó da publicación deste anuncio no DOG; indicarase por este mesmo medio a data e o lugar da realización delas.

No procedemento de selección para os postos 1, 2, 3, seguirase a seguinte baremación: currículo 20%; unha proba escrita ou tipo test 50%; e unha entrevista persoal 30%. Esta última realizaráselles a todos aqueles que superen os 40 puntos nos anteriores epígrafes. Para o posto de enxeñeiro superior industrial a valoración será: currículo 40%; psicotécnico 30%; e unha entrevista persoal o 30%. Esta última realizaráselles a todos aqueles que superen os 40 puntos nos anteriores epígrafes.

Calquera consulta adicional poderá realizarse no seguinte teléfono: 981 69 85 24, das 9 ás 11 horas.

Luis Mingo Reiz

Presidente