Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: Sáenz Díez, 45, 32003 Ourense.

Denominación: L.M.T., C.T., R.B.T., San Fiz e San Simón.

Situación: A Bola.

Características técnicas: liña trifásica aérea a 20 kV, derivada desde o apoio N1 da L.M.T. a Sorga, en conductor LA-56 ata o apoio nº 7 (935 m) continuando en conductor forrado tipo PAS-50 (485 m) ata o C.T. proxectado aéreo con 50 kVA, 20.000/380-220 V en San Simón. Redes de B.T. en San Simón e San Fiz.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

Ourense, 8 de novembro de 2000.

Alfredo Cacharro Pardo

Delegado provincial de Ourense