Para os efectos previstos na Lei 54/1997, do 27 de novembro e no artigo 9 do Decreto 2617/1966, sométese a información pública a petición de autorización da instalación eléctrica que se cita:
Solicitante: EASA.
Domicilio social: Bugallal Marchesi, 10-1º esq., 15008 A Coruña.
Denominación: subestación 20/132 kV parque eólico de Novo.
Situación: San Sadurniño.
Descricións técnicas: subestación 20/132 kV con parque a 132 kV, constituído polos módulos de protección liña e transformador, con mando, control, proteccións e medida, embarrado, pararraios e transformadores de tensión en barras, equipada con transformador de potencia de 21 MVA, todo intemperie e edificio que alberga as celas de 20 kV e transformador de servicios auxiliares e aparellaxe para telemando e telecontrol.
Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.
A Coruña, 29 de novembro de 2000.
Jesús Espada Martínez
Delegado provincial da Coruña