Os obxectivos básicos do Programa de Reforma Administrativa da Xunta de Galicia son os de conseguir unha Administración autonómica máis eficaz e eficiente que estea ó servicio do cidadán.
Neste sentido inscríbese a progresiva posta en funcionamento dos novos edificios administrativos de servicios múltiples que concentren as oficinas administrativas da Xunta de Galicia, actualmente dispersas, nas grandes cidades galegas.
Concluída a construcción e o acondicionamento do novo edificio administrativo da Xunta de Galicia en Ferrol, e por proposta da Consellería da Presidencia e Administración Pública, unha vez consultadas as organizacións sindicais presentes na Mesa Xeral de Negociación da Comunidade Autónoma de Galicia e a Comisión de Persoal, o Consello da Xunta de Galicia, na súa reunión do dous de novembro de dous mil, adoptou o seguinte
ACORDO:
1. A posta en funcionamento do novo edificio administrativo da Xunta de Galicia en Ferrol (avenida de Vigo, s/n, 15402 Ferrol) a partir do día cinco de decembro de dous mil.
2. A oficina da Xunta de Galicia en Ferrol, creada pola Orde do 28 de novembro de 1994 (DOG nº 230, do 29 de novembro) encargarase da xestión dos servicios comúns do edificio: rexistro, información administrativa e atención ó cidadán, compulsas, conserxería xeral, limpeza, teléfonos e mantemento.
Para tal fin, ó amparo do artigo 29.5º da Lei 4/1998, do 26 de maio (DOG nº 104, do 1 de xuño) da función pública de Galicia, modificada pola Lei 3/1995, do 10 de abril (DOG nº 76, do 20 de abril) modifícase a relación de postos de traballo (RPT) da dita oficina de acordo co anexo I (A e B).
3. Trasládanse ó novo edificio, desde a indicada data:
a) As seguintes oficinas administrativas da Xunta de Galicia en Ferrol:
Consellería Oficina administrativa Situación actual
Presidencia e Administración Pública Oficina da Xunta de Galicia en Ferrol Rúa Magdalena, nº12, baixo
Consellería Oficina administrativa Situación actual
Agricultura, Gandería e Política Agroalimentaria
Área de Sanidade e Producción Animal de Ferrol
Oficina Agraria Comarcal de Ferrol Rúa Pascual Veiga, nº 33-35
Economía e Facenda Oficina do Instituto Galego de Promoción Económica (Igape) Rúa Península da Cabana, s/n
Política Territorial, Obras Públicas e Vivenda Oficina do Instituto Galego da Vivenda e Solo (IGVS)
Educación e Ordenación Universitaria Inspección Educativa Palacio Municipal, 2º, praza de Armas
Industria e Comercio Oficina de Consumo do Instituto Galego de Consumo (IGC) Praza de España, nº 2
Área de Extensión e Capacitación Agraria de Ferrol
Cultura, Comunicación Social e Turismo Oficina de Turismo de Ferrol Rúa Magdalena, nº 12, baixo
Sanidade e Servicios Sociais Sección de Cualificación e Valoración de Minusvalidez Rúa Sánchez Calviño, nº 52-58
Sanidade e Servicios Sociais Inspección Sanitaria Praza de España, nº 19-3º
Servicio Veterinario Saúde Pública Praza de España, nº 2-2º
Pesca, Marisqueo e Acuicultura Delegación Comarcal Praza de España, nº 2-2º
Xustiza, Interior e Relacións Laborais Servicio de Mediación, Arbitraxe e Conciliación Rúa Real, nº 10-1º dereita
Familia e Promoción do Emprego, Muller e Xuventude Oficina de Información Xuvenil Rúa Magdalena, nº 123, 1º
Oficina de Emprego Avenida de Vigo, nº 135-137
b) Os empregados públicos que van prestar servicios na oficina da Xunta de Galicia (Anexo I.B), así como os que prestan servicios nas restantes oficinas administrativas que se relacionan no punto 3 a).
4. As relacións de postos de traballo (RPT) das consellerías que resulten afectadas pola modificación a que se refire o número 2 deste acordo, quedan modificadas nos termos deste.
5. Este acordo entrará en vigor a partir do día cinco de decembro de dous mil.
Visto o acordo adoptado polo Consello da Xunta de Galicia na súa reunión do dous de novembro de dous mil, relativo á aprobación do Plan de racionalización de efectivos do novo edificio administrativo da Xunta de Galicia en Ferrol, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 3 de novembro de 2000.
Jaime Pita Varela
Conselleiro da Presidencia e Administración Pública