En cumprimento do disposto no artigo 145.3º da Lei do solo de Galicia e 202.2º do Regulamento de xestión urbanística faise público que o Concello Pleno en sesión do 17 de outubro de 2000 prestou aprobación ó proxecto expropiatorio dos bens e dereitos afectados pola execución do aparcadoiro ó aire libre previsto no Plan xeral de ordenación urbana no cuarteirón comprendido entre a avda. de Galicia-r/ Ramón González e San Lázaro e rúa de nova apertura, que se tramitará polo procedemento de taxación conxunta.
O dito expediente sométese a información pública durante un mes, período durante o que as persoas interesadas poderán examinalo nas oficinas municipais, se é o caso, presenta-las reclamacións que coiden oportunas.
Ribadeo, 18 de outubro de 2000.
José Carlos Rodríguez Andina
Alcalde