Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: Sáenz Díez, 45, 32003 Ourense.

Denominación: L.M.T.S., Pablo Iglesias-As Lagoas-1.

Situación: Ourense.

Descricións técnicas: liña subterránea a 20 kV, de 260 m, en conductor R.H.Z.-12/20 kV, coa orixe no C.T. Pablo Iglesias e remata na liña subterránea ó C.T. Fenosa. Pasando a alimenta-la liña saída de Velle L-13 ós CC.TT. Pablo Iglesias e Fenosa, e a liña saída de Velle L-03 alimentará os CC.TT. As Lagoas 1, As Lagoas 4, As Lagoas 5 e comisaría de policía.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.

Ourense, 29 de setembro de 2000.

Alfredo Cacharro Pardo

Delegado provincial de Ourense