Aprobado por Decreto de alcaldía do 13 de novembro de 2000 o expediente de contratación, incluídos os pregos de cláusulas administrativas particulares e de condicións técnicas que han de rexe-lo concurso para a contratación dos servicios de colaboración na xestión tributaria, censal, inspectora e recadatoria
do Concello da Guarda, que se expoñen ó público durante 8 días, contados a partir do seguinte ó de publicación deste anuncio no Diario Oficial de Galicia, para que poida presentar reclamacións quen se considere interesado.
Simultaneamente, anúnciase o concurso, aprazándose a licitación se resultase necesario por formularse reclamacións contra os pregos.
Entidade adxudicadora.
Concello da Guarda, praza do Reló, s/n, 36780. Teléfono: 986 61 00 00. Fax: 986 61 02 83.
Obxecto do contrato.
Servicios complementarios o funcionamento dos órganos de xestión tributaria, inspectora e recadatoria do Concello da Guarda, que non impliquen exercicio de autoridade nin custodia de fondos públicos.
Tipo de licitación.
21.465.510 pesetas, en función dunha porcentaxe máxima de licitación dun 4,64% sobre un cargo dos ingresos mediante recibo en voluntaria de 244.741.913 pesetas e un 90% da recarga aplicable nos cobramentos realizados en período executivo, sobre un cargo de 67.883.168 pesetas 2.000.000 de pesetas pola xestión de cobramento de dereitos de ingreso directo e unha cantidade estimada de 2.000.000 de pesetas por actuacións de inspección e colaboracións.
Modalidade de adxudicación.
Concurso público, procedemento aberto, tramitación ordinaria.
Garantías.
Provisional: 2% do orzamento.
Definitiva: 4% do orzamento.
Exame do expediente.
Os licitadores poderán examina-lo expediente na secretaría xeral do concello, das 8 ás 15 horas, excepto sábados e festivos e ata o día anterior ó do remate do prazo de presentación de proposicións.
Presentación de proposicións.
No rexistro xeral do concello, dentro do prazo de 26 días naturais, contados a partir do día da última publicación deste anuncio no DOG das oito ás quince horas e de luns a venres, na forma sinalada na cláusula décimo primeira do prego de cláusulas administrativas particulares. Se o último día de presentación de ofertas fose inhábil, prorrogarase ó día hábil seguinte.
Apertura de proposicións.
A apertura terá lugar ás 17 horas do día hábil seguinte ó sinalado como último para a presentación de proposicións (para estes efectos o sábado considerarase inhábil).
Gastos de anuncios.
Por conta do adxudicatario.
A Guarda, 15 de novembro de 2000.
José Luis Alonso Riego
Alcalde