Pola Orde do 22 de febreiro de 2000 (DOG nº 46, do 7 de marzo) convocáronse bolsas e axudas ó estudio de carácter especial para estudiantes galegos, descendentes de galegos ou residentes en Galicia que cursen estudios universitarios de primeiro ou segundo ciclo no curso 2000-2001, cunha necesidade urxente de recursos económicos motivada por causas sobrevidas e non previstas.

Na súa virtude, de acordo co establecido nas bases da convocatoria, e atendendo ó informe-proposta elevado pola comisión avaliadora a través da Dirección Xeral de Universidades, esta consellería

RESOLVE:

Primeiro.-Concederlles axudas ás persoas que se relacionan no anexo á presente orde na contía que se indica en cada caso.

Segundo.-Os pagamentos faranse de acordo co establecido nas bases da convocatoria.

Terceiro.-O incumprimento total ou parcial por parte dos beneficiarios de calquera das bases establecidas na orde da convocatoria do 22 de febreiro suporá a perda do dereito a percibi-la bolsa correspondente.

Cuarta.-Contra a presente resolución, que esgota a vía administrativa, poderán os interesados interpoñer potestativamente recurso de reposición ante o conselleiro de Educación e Ordenación Universitaria no prazo dun mes contado a partir do día seguinte ó da publicación da presente orde no DOG,

ou ben directamente recurso contencioso-administrativo no prazo de dous meses perante o Tribunal Superior de Xustiza de Galicia.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 10 de novembro de 2000.

Celso Currás Fernández

Conselleiro de Educación e Ordenación

Universitaria

ANEXO

Bolsas e axudas ó estudio de carácter especial para estudiantes galegos, descendentes de galegos ou residentes en Galicia que cursen estudios universitarios de primeiro ou segundo ciclo no curso 2000-2001, cunha necesidade urxente de recursos económicos motivada por causas sobrevidas e non previstas.

(Orde do 22 de febreiro de 2000, DOG do 7 de marzo).

No caso de producirse algunha renuncia procederase, se é o caso, e tendo en conta o remanente de crédito, a adxudicárlle-la bolsa ás persoas que figuran relacionadas a continuación como suplentes:

ALONSO RODRÍGUEZ, CRISTINA

ALONSO RODRÍGUEZ, ESTELA

BLANCO BOGA, ALBA

FERNÁNDEZ VIÑAS, ALBERTO

FERREIRÓS PIÑEIRO, NIEVES

FERREÑO SÁNCHEZ, ANA MARÍA

GARCÍA RÍOS, FRANCISCO DE BORJA

IRAVEDRA LÓPEZ, EMMA

LOIRA GARCÍA, DAVID

NAVEIRA RODRÍGUEZ, ÓSCAR

RIPOLL ROZADA, NOEMÍ

VIDEIRA SOENGAS, NOELIA

VIDEIRA SOENGAS, RUBÉN