Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Unión Fenosa Distribución.

Domicilio social: avenida de Arteixo, 171, 15000 A Coruña.

Denominación: L.M.T.S. Pasaxe-Os Castros.

Situación: A Coruña.

Descricións técnicas: liñas eléctricas subterráneas de media tensión, a 15 kV baixo tubo e con conductor R.H.V. 12/20 kV de 3 (1x240) mm Al. De 1.220 m de lonxitude, con orixe na liña subterránea que alimenta o C.R. Ponte Pasaxe (expediente 9912) nas inmediacións colexio Sta. María do Mar e final na

liña subterránea que alimenta C.T. Residencia, nas inmediacións Residencia Sanitaria Juan Canalejo. De 920 m de lonxitude, con orixe na liña subterránea que alimenta C.T. San Rafael e final no cambio aerosubterráneo liña A Grela-Petroliber (expediente 13674). A Coruña.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.

A Coruña, 10 de outubro de 2000.

Jesús Espada Martínez

Delegado provincial da Coruña