Os comités éticos de investigación clínica son os encargados de emitir informe de tódolos ensaios clí

nicos que se realicen dentro do seu ámbito territorial. Os ensaios clínicos e os comités éticos de investigación clínica regúlanse na Comunidade Autónoma polo Decreto 32/1996, do 25 de xaneiro.

A Orde do 11 de xullo de 1996 pola que se crea o Comité Ético de Investigación Clínica de Galicia, no seu artigo 3, dispón que a composición do comité se axustará ó establecido no Decreto 32/1996, e os seus membros y nomearanse por orde da Consellería de Sanidade e Servicios Sociais.

En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro, a Orde do 11 de xullo de 1996 e a disposición adicional primeira do Decreto 32/1996, do 25 de xaneiro, polo que regula a realización de ensaios clínicos na Comunidade Autónoma de Galicia, por proposta da División de Farmacia e Productos Sanitarios do Servicio Galego de Saúde,

DISPOÑO:

Artigo único.-Noméanse membros do Comité Ético de Investigación Clínica de Galicia, creado pola Orde do 11 de xullo de 1996, as persoas que se relacionan no anexo.

Santiago de Compostela, 30 de outubro de 2000.

José María Hernández Cochón

Conselleiro de Sanidade e Servicios Sociais

ANEXO

Novos membros do CEIC de Galicia:

Francisco J. Blanco García.

(Coordinador de Investigación do Complexo Hospitalario Juan Canalejo).

Jesús García Mata.

(FEA da Unidade de Oncoloxía do Complexo Hospitalario de Ourense).

Delicias Muñoz García.

(FEA do Servicio de Neuroloxía do Complexo Hospitalario Xeral-Cíes)