A Lei 27/1992, do 24 de novembro, de portos do Estado e da mariña mercante, texto reformado pola Lei 62/1997, do 26 de decembro, atribúelles ás comunidades autónomas as facultades de designación e separación dos vocais dos consellos de administración das autoridades portuarias de interese xeral do Estado sitas no seu territorio.
Os acordos do Consello da Xunta de Galicia do 5 e 6 de marzo de 1998 facultan o conselleiro de Política Territorial, Obras Públicas e Vivenda para o exercicio das devanditas competencias.
Conforme o previsto no artigo 40 da Lei de portos do Estado e a mariña mercante, texto reformado pola Lei 62/1997, do 26 de decembro, disponse que a separación dos vocais do Consello de Administración será acordada polo órgano competente da Comunidade Autónoma, polo que, expirado o período de dous anos durante o que a representación maioritaria no Consello de Administración da Autoridade Portuaria de Marín-Pontevedra lle correspondeu ó Concello de Marín, e para dar cumprimento á alternancia requirida polos acordos do Consello de Goberno da Xunta de Galicia do 5 e 26 de marzo de 1998, e en canto órgano competente,
DISPOÑO:
O cesamento de Alfonso Servando Sola Limia como vocal do Consello de Administración da Autoridade Portuaria de Marín-Pontevedra, en representación do Concello de Marín, agradecéndolle os servicios prestados.
O cesamento de Francisco Antonio Santiago Fernández, como vocal do Consello de Administración da Autoridade Portuaria de Marín-Pontevedra, en representación do Concello de Marín, agradecéndolle os servicios prestados.
O cesamento de Miguel Ángel Fernández Lores, como vocal do Consello de Administración da Autoridade Portuaria de Marín-Pontevedra, en representación do Concello de Pontevedra, agradecéndolle os servicios prestados.
Santiago de Compostela, 25 de outubro de 2000.
José Cuíña Crespo
Conselleiro de Política Territorial,
Obras Públicas e Vivenda