Un técnico especialista en mobiliario. Ref.: 00/13.
Titulado grao superior e valorarase a formación posgrao.
Imprescindible coñecementos de Autocad, Corel Draw e Microstation, dominio do galego e coñecementos de inglés, alomenos a nivel de traducción técnica.
Experiencia mínima dun ano como consultor en empresas de consultoría sanitaria, na adquisición de mobiliario clínico e/ou de oficina para hospitais, nas cales realizara pregos e informes técnicos.
Valorarase a experiencia na adquisición de equipamento electromédico.
Procedemento de selección: baremo do currículum (55%), probas psicotécnicas (25%) e entrevista persoal (20%).
Presentación de solicitudes:
Os interesados que cumpran os requisitos esixidos deberán remiti-lo seu currículum, indicando a referencia que se indica, no prazo improrrogable de quince días naturais contados desde o día seguinte ó da súa publicación no Diario Oficial de Galicia, a: Instituto Galego de Medicina Técnica, praza de Europa, 5 A, 6º B (15703 Santiago de Compostela).
Deberá presentarse copia compulsada dos certificados de servicios prestados, dos diplomas acreditativos de cursos e do título mínimo esixido para a convocatoria.
Inicio das probas:
As probas non se realizarán antes dun mes desde que se publique convocatoria, de acordo co disposto no artigo 4 da Lei 10/1996.
Íñigo Álvarez Canoa
Director xerente do Instituto Galego de Medicina Técnica