Recibida na Consellería de Educación e Ordenación Universitaria a providencia da sección primeira da Sala do Contencioso-Administrativo do Tribunal Superior de Xustiza de Galicia, pola que se admite o recurso contencioso-administrativo 01/0000666/2000, interposto por Ceben Formación Profesional, S.L. (Ceben FP, S.L.), contra resolución do conselleiro de Educación e Ordenación Universitaria do 12-5-2000, sobre reclamación de cantidade.
En consecuencia, esta secretaría xeral acordou nesta data e de conformidade co disposto no artigo 64 da Lei do 27 de decembro de 1956, reguladora da xurisdicción contencioso-administrativa, modificada pola Lei 10/1992, do 30 de abril, a remisión do correspondente expediente administrativo á referida sala, o que se notifica para xeral coñecemento a tódalas persoas interesadas no procedemento, e
emprázanse para que poidan comparecer como demandados no recurso no prazo de nove días.
Santiago de Compostela, 5 de outubro de 2000.
Máximo García Serrano
Secretario xeral da Consellería de Educación
e Ordenación Universitaria