Anuncio de licitación para adxudicar por concurso público, vía de procedemento aberto e urxente, a execución das obras de acondicionamento da rúa peonil Aduana en San Cibrao.
1. Entidade adxudicadora.
Concello de Cervo, Praza do Concello, 27891 Cervo (Lugo). Teléfono: 982 55 77 77. Fax: 982 55 77 29. Lugar onde se pode obter maior información.
a) Dependencia que tramita o expediente: Secretaría do Concello, onde poderán obter copia do prego de condicións e demais información que compón o expediente.
2. Obxecto do contrato.
a) Descrición do obxecto: o obxecto deste contrato é a execución das obras incluídas no proxecto técnico denominado acondicionamento da rúa Aduana en San Cibrao.
b) Lugar de execución: localidade de San Cibrao.
3. Tramitación, procedemento e forma de adxudicación.
a) Tramitación: urxente segundo o acordo corporativo.
b) Procedemento: aberto.
c) Forma: concurso.
4. Orzamento base de licitación.
O orzamento do contrato que servirá de base á licitación ascende á contía total de 55.580.213 ptas. (334.043,8 euros) IVE e demais impostos, anuncios e gastos incluídos. Tramítase na modalidade de gasto plurianual.
5. Presentación de ofertas.
a) As ofertas presentaranse no Concello de Cervo, dentro dos 13 días naturais seguintes ó da publicación do modelo normalizado de anuncio de licitación no BOP.
O modelo normalizado de citación publícase no BOP (Lugo).
Cervo, 6 de outubro de 2000.
José Insua Pernas
Alcalde