As listas provisionais de admitidos e excluídos publicaranse nos taboleiros de anuncios das direccións provinciais do Servicio Galego de Saúde e das institucións sanitarias do Sergas, no rexistro da Consellería de Sanidade e Servicios Sociais e das súas delegacións provinciais o día seguinte ó da publicación deste anuncio no Diario Oficial de Galicia.
Os expedientes foron baremados nas direccións provinciais de Lugo e Ourense, por iso para calquera aclaración sobre as listas, os interesados, deberán dirixirse, en función da categoría na que figuren inscritos, ós seguintes enderezos ou teléfonos:
* Para as categorías de:
-Médicos.
-Psicólogos.
-Químicos.
Deberán dirixirse á Dirección Provincial do Sergas de Ourense, r/ Juan XXIII nº 31-33, 32003 Ourense ou ó teléfono 988 38 59 37.
* Para as categorías de:
-Biólogos.
-Farmacéuticos.
Deberán dirixirse á Dirección Provincial do Sergas de Lugo, r/ García Portela nº 13, 27071 Lugo ou ó teléfono 982 29 69 31 para a categoría de farmacéuticos ou ó 982 29 69 06 para a categoría de biólogos.
A partir da dita data abrirase un prazo de 10 días para presentar reclamacións, de se-lo caso, ante a División de Recursos Humanos do Servicio Galego de Saúde, edificio administrativo de San Lázaro, 15703 Santiago de Compostela.
Santiago de Compostela, 2 de outubro de 2000.
Valeriano Martínez García
Director xeral da División de Recursos Humanos do Servicio Galego de Saúde