Por resolucións da alcaldía con data do 21-9-2000, aprobáronse inicialmente os proxectos de expropiacións forzosas polo procedemento de taxación conxunta, dos bens e dereitos afectados polas obras:

-Urbanización 2ª transversal rúa Antonia Tovar a circunvalación PO/400.

-Urbanización desde rúa biblioteca a Miguel Davila.

-Urbanización 1ª transversal rúa Antonia Tovar a circunvalación PO/400.

Aprobando a determinación do ámbito territorial, fixación de prezos e follas de prezo xusto individualizada de cada predio.

En cumprimento do disposto no artigo 219.2º do RDL 1/1992, do 26 de xuño, polo que se aproba o texto refundido da Lei de réxime do solo e ordenación urbana, e artigo 145.2º e 3º da Lei 1/1997, do 24 de marzo, do solo de Galicia, os proxectos de expropiación, xunto cos documentos que se sinalan, expónense ó público polo termo dun mes, para que quen poida resultar interesado formule as alegacións e reclamacións que considere convenientes ós seu dereitos.

Arbo, 26 de setembro de 2000.

Manuel Rivera Domínguez

Alcalde