Visto o expediente para outorgamento de autorización administrativa, declaración, en concreto, de utilidade pública e a necesidade da urxente ocupación que leva implícita, así como a aprobación do proxecto de execución da instalación eléctrica que a continuación se detalla:
Solicitante: Unión Fenosa, S.A.
Enderezo social: avda. García Barbón 38, 36201 Vigo.
Denominación: L.M.T., C.T. e R.B.T. Dobreixa.
Situación: Vila de Cruces.
Descricións técnicas: L.M.T., aérea, a 15/20 kV, de 1.120 m de lonxitude, con conductor tipo PAS-50, sobre apoios de formigón, desde un apoio s/n da L.M.T. ó C.T. Bascuas ata o C.T. que se proxecta en Dobreixa, concello de Vila de Cruces. C.T. de 50 kVA, relación de transformación 15 kV-380/220 V. R.B.T., aérea, de 40 m de lonxitude, con conductor tipo R.Z., sobre apoios de formigón.
Realizada a información pública e a notificación individual a cada un dos propietarios afectados, non se presentaron alegacións no prazo establecido.
Cumpridos os trámites ordenados na Lei 54/1997, do 27 de novembro, e nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolve:
Autorizar, declarar, en concreto, de utilidade pública e a necesidade da urxente ocupación que leva implícita, así como a aprobación do proxecto de execución das devanditas instalacións, nas que as características axustaranse en tódalas súas partes ás que figuran nel e as condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.
Contra a presente resolución poderá interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.
Pontevedra, 25 de agosto de 2000.
Carmen Bianchi Valcarce
Delegada provincial de Pontevedra
