Dentro dos programas de actividades que a Academia Galega de Seguridade ten previsto realizar no ano 2000, e conforme as funcións atribuídas pola Lei 4/1992, do 9 de abril, de creación da Academia Galega de Seguridade, anúnciase a celebración dunhas xornadas sobre a construcción da nova Policía Europea: S.I.S. e Europol, que deberán desenvolverse conforme as seguintes bases:
Obxectivos.
As xornadas teñen por obxectivos informar e expoñer cales son as motivacións, estructura e funcionamento das oficinas S.I.S e Sirene de cada país da Unión Europea e o tratamento operativo que fai Europol.
Destinatarios.
As xornadas van dirixidas ós membros das forzas e corpos de seguridade, vixilancia aduaneira e colectivos interesados en xeral.
Inscrición.
A inscrición dos participantes será totalmente gratuíta.
Prazas.
O número de prazas que se ofertaran será de 80.
Solicitudes.
1. O persoal que desexe participar nestas xornadas deberá presentar, cuberta á máquina ou con letra moi clara, a instancia que figura no anexo.
2. O prazo para a presentación de instancias rematará o día 13 de outubro de 2000, ás 14 horas.
3. As instancias deberán enviarse á sede da Academia Galega de Seguridade: avenida da Cultura, s/n, 36680 A Estrada, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Duración e datas.
As xornadas desenvolveranse durante os días 18 e 19 de outubro de 2000, en xornadas de mañá e tarde.
O horario será o seguinte:
Día 17: de 9.30 a 13.30 horas e de 16.15 a 20 horas.
Día 18: de 10 a 14 horas.
Relación de admitidos.
A relación de admitidos publicarase o día 17 de outubro no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono 986 59 00 21.
Lugar.
As xornadas celebraranse no salón de actos da Academia Galega de Seguridade, sita na avenida da Cultura, s/n, no concello da Estrada.
Certificado de asistencia.
Ó remate das xornadas entregaráselles un certificado de asistencia a aquelas persoas que acrediten a súa participación continuada a elas.
Modificacións.
A Academia Galega de Seguridade poderá modifica-lo desenvolvemento das xornadas para adaptalas ás necesidades da Administración e ás continxencias que poidan xurdir.
A Estrada, 8 de setembro de 2000.
Juan José Fariñas-Ferro Rodríguez
Director xeral da Academia Galega de Seguridade