A Delegación Provincial do Instituto Galego da Vivenda e Solo de Lugo, tramitou expediente de dilixencias previas 4/1999, seguidas en virtude de denuncia formulada por Ana María Otero Tella, en
calidade de presidenta da comunidade de propietarios do edificio sito na Ronda de Fingoi, 119-121-123-125 de Lugo, contra a promotora inmobiliaria Sinergal, S.A., finalizando este trámite con requirimento á promotora inmobiliaria para que emende as deficiencias observadas no devandito edificio.
As obras de reparación que se deben realizar son as necesarias para emenda-las deficiencias observadas consistentes en:
Deficiencias comunitarias:
-Filtración de auga no corredor de rochos do portal 119, na zona de cuarto de contadores de auga.
-Desprendemento de revestimento do teito do garaxe no cóbado dunha baixante, enriba da praza nº 28.
-No portal 125, nas escaleiras de baixada ó garaxe, filtración de auga procedente da terraza exterior.
-Acreditación da legalización da calefacción diante da Delegación de Industria.
Deficiencias en vivenda 121-4º B:
-Fendedura en paredes e teito dun dormitorio.
Para tal fin concédeselle á empresa un prazo de 10 días para a remisión de proxecto e orzamento a esta delegación provincial, e un prazo de 30 días para a súa execución.
A non realización das obras nos prazos sinalados determinará a iniciación do oportuno expediente sancionador.
Lugo, 6 de setembro de 2000.
Antonio Boné Pina
Delegado provincial de Lugo