Aprobado pola Comisión de Goberno, en sesión do 3 de agosto de 2000, o prego de cláusulas administrativas que han de rexe-lo concurso para a adqui

sición de vehículo compactador-recolector, exponse ó público durante o prazo de catro días hábiles, contados a partir do seguinte ó da publicación deste anuncio no BOP, para efectos de reclamacións. Simultaneamente anúnciase o correspondente concurso, se ben quedaría aprazado de resultar necesario, no caso de que se formulen reclamacións contra o prego de condicións.

Obxecto: contratación por concurso para a adquisición de vehículo compactador-recolector.

Tipo de licitación: 17.885.455 pesetas.

Prazo de entrega: 3 meses desde a notificación da adxudicación.

Exame do expediente: na Secretaría do Concello, de 9 a 13 horas, durante o prazo de presentación de proposicións.

Fianza: a provisional establécese en 357.709 pesetas e a definitiva igual ó 4% do importe da adxudicación.

Presentación de proposicións: na Secretaría Municipal, de 9 a 13 horas, durante o prazo de trece días naturais contados a partir do día seguinte ó da publicación deste anuncio no BOP.

Apertura de plicas: terá lugar ás dez horas do primeiro día hábil seguinte a aquel en que termine o prazo de presentación de proposicións. Se este coincidise en sábado, terá lugar o primeiro día hábil seguinte.

Criterio de adxudicación: serán os fixados na correspondente cláusula do prego de condicións.

Modelo de proposición: os licitadores presentarán simultaneamente coa proposición, en sobre á parte, os documentos que se indican na referida cláusula.

Gastos: serán por conta do adxudicatario os gastos de anuncios e impostos que procedan, incluídos o IVE, e tódolos demais que orixine o expediente.

Vila de Cruces, 31 de agosto de 2000.

O alcalde-presidente

Rubricado