No BOP de Ourense do día da data, publícase íntegro o prego de condicións, para a contratación da elaboración de material turístico da provincia de Ourense, mediante concurso, en procedemento aberto e trámite urxente. As ofertas e documentación presentaranse ata as 13 horas do 15º día hábil seguinte ó da publicación deste anuncio no Diario Oficial de Galicia, no rexistro xeral do Padroado Provincial de Turismo de Ourense. A apertura da documentación terá lugar o seguinte día hábil (agás sábados), ás 12 horas, no pazo provincial, rúa Progreso, 32. A documentación que hai que presentar, modelo de presentación e demais datos figuran no mencionado prego de condicións, que lles será facilitado gratuítamente ós que o soliciten, no rexistro do Padroado Provincial de Turismo de Ourense, rúa Progreso, 28, ou por teléfono: 988 39 10 85 e fax: 988 39 19 62.
Ourense, 11 de setembro de 2000.
Antonio Mouriño Villar
Presidente do Padroado Provincial de Turismo
de Ourense