Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Electra Alto Miño, S.A.
Domicilio social: rúa Marqués de Valladares 3-2º, 36201 Vigo.
Denominación: modificación L.M.T. Budiño-As Reloas, tramo polígono A Granxa .
Situación: O Porriño.
Descricións técnicas: L.M.T. subterránea, a 20 kV, de 450 m de lonxitude, con conductor R.H.V, desde un apoio que se vai colocar na L.M.T. Budiño-As Reloas-Devesa, situado no límite da parcela 192 do polígono da Granxa, ata o apoio existente na fronte da parcela 206 do polígono, concello do Porriño.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
Pontevedra, 12 de xullo de 2000.
Carmen Bianchi Valcarce
Delegada provincial de Pontevedra