Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Fenosa.
Domicilio social: avda. Arteixo 171, 15007 A Coruña.
Denominación: R.B.T. Eiroa, Nogueira, S. Miguel, Cabreiro.
Situación: Chantada.
Descricións técnicas: liña de baixa tensión aérea con orixe no C.T. Nogueira en conductor R.Z. de 1.567 metros de lonxitude sobre postes de formigón. Liña de baixa tensión aérea con orixe no C.T. Santiago de Arriba en conductor R.Z. de 834 metros de lonxitude sobre apoios de formigón.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
Lugo, 24 de xullo de 2000.
Jesús Bendaña Suárez
Delegado provincial de Lugo