Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Fenosa Distribución, S.A.
Domicilio social: avda. de García Barbón 38, 36201 Vigo.
Denominación: L.M.T. e centro de reparto na Gándara.
Situación: Concello do Porriño.
Descricións técnicas: L.M.T., soterrada a 15 kV con conductor tipo R.H.V. de 0,19 km de lonxitude, con orixe no centro de reparto proxectado na Gándara e final nos apoios de formigón existentes das liñas ATI 7.08 e ATI 7.17 na Gándara, concello do Porriño. Centro de reparto con 4 celas de liña motorizadas.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra esta resolución pódese interpor recurso de alzada ante o conselleiro de Industria e Comercio no prazo dun mes, contado a partir do día seguinte ó da súa notificación. Tamén se pode interpor calquera outro recurso que se considere pertinente.
Pontevedra, 14 de xullo de 2000.
Carmen Bianchi Valcarce
Delegada provincial de Pontevedra