No BOP da Coruña nº 164 do 18 de xullo de 2000, publícanse integramente as bases e o programa da convocatoria para a provisión, mediante o sistema de oposición libre, de dúas prazas de garda da policía local, encadradas na escala de Administración especial, subescala de servicios especiais, clase de policía local, dotadas co salario correspondente ó grupo D do artigo 25 da Lei 30/1984 e retribucións complementarias fixadas pola corporación, incluídas na oferta de emprego público do Concello de Ponteceso para 2000, publicada no Boletín Oficial del Estado nº 100 do 26-4-2000.

O prazo de presentación de instancias mediante as que se solicita participar será de vinte días naturais, contados a partir do seguinte ó da publicación deste anuncio no Boletín Oficial del Estado.

Os sucesivos anuncios relacionados con esta convocatoria publicaranse unicamente no BOP da provincia da Coruña e no taboleiro de anuncios do concello.

Ponteceso, 24 de xullo de 2000.

José Luis Fondo Aguiar

Alcalde