De conformidade coa proposta elevada pola comisión designada para xulga-lo concurso de méritos convocado por resolución desta universidade do 3 de febreiro de 2000 (BOE do 4 de marzo), para a provisión da praza 00/002 de catedrático de universidade da área de coñecemento de dereito romano, do departamento de Dereito Público desta universidade, a favor de Julio García Camiñas, e unha vez acreditados polo interesado os requisitos a que alude o punto 2º do artigo 5 do Real decreto 1888/1984, do 26 de setembro.

Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Julio García Camiñas, catedrático de universidade da área de coñecemento de dereito romano, do departamento de Dereito Público desta universidade.

A Coruña, 18 de xullo de 2000.

José Luis Meilán Gil

Rector