De conformidade co previsto no punto 8 da base sexta B) da resolución da División de Recursos Humanos do Servicio Galego de Saúde do 28 de decembro de 1998 (Diario Oficial de Galicia nº 9, do 15 de xaneiro de 1999) pola que se convoca concurso-oposición para o ingreso en determinadas categorías de persoal estatutario do Servicio Galego de Saúde, o tribunal publicará no Diario Oficial de Galicia o acordo que conteña a relación de aspirantes, pola orde de puntuación acadada, indicando a puntuación obtida en cada unha das fases e a puntuación total que será a suma de ambas. A dita relación, indicará as diferentes quendas de acceso, así como os aspirantes definitivamente seleccionados, elevando a dita relación á autoridade convocante.

Vistas polo respectivo tribunal tódalas reclamacións presentadas polos aspirantes contra a puntuación outorgada na baremación da fase de concurso, foron desestimadas aquelas que non dan lugar á modificación desa puntuación inicialmente asignada e, en consecuencia, adoptado acordo ó respecto polo respectivo tribunal sobre a confirmación definitiva das puntuacións obtidas por tódolos opositores e a relación definitiva de aspirantes seleccionados que superaron o proceso selectivo citado, para os efectos da súa máxima facilidade de difusión procede agora darlle publicidade no Diario Oficial de Galicia con indicación dos lugares onde están expostas as corres

pondentes listaxes, facultándose expresamente para isto a este centro directivo, polo que

RESOLVE:

Primeiro.-Publicar nos taboleiros de anuncios dos servicios centrais e periféricos da Consellería de Sanidade e Servicios Sociais e do Servicio Galego de Saúde e nos dos seus centros de xestión de atención primaria e especializada as relacións de aspirantes que superaron o concurso-oposición convocado pola resolución da División de Recursos Humanos do Servicio Galego de Saúde do 28 de decembro de 1998 (Diario Oficial de Galicia nº 9, do 15 de xaneiro de 1999) para o ingreso na categoría do grupo de xestión da función administrativa.

Segundo.-Declarar definitivamente seleccionados os aspirantes incluídos, segundo a súa orde final, no número total de prazas que se terán que cubrir para a referida categoría segundo recolle a Resolución do 6 de marzo de 2000 (Diario Oficial de Galicia nº 55, do 20 de marzo) de conformidade coa seguinte distribución:

Categoría: grupo de xestión da función administrativa.

Acceso libre: 11.

Promoción interna: 5.

Reserva discapacitados: 1.

Total: 17.

Terceiro.-Contra o acordo do tribunal que se fai público coa presente resolución, poderá interpoñerse recurso de alzada ante este centro directivo, no prazo dun mes contado a partir do día seguinte ó da súa publicación no Diario Oficial de Galicia.

Santiago de Compostela, 26 de xullo de 2000.

Valeriano Martínez García

Director xeral da División de Recursos Humanos do Servicio Galego de Saúde