En cumprimento do disposto polo Consello da Xunta de Galicia, na súa reunión do 21 de xullo de 2000 e vistos os artigos 25.3º da Lei 10/1995, do 23 de novembro, de ordenación do territorio de Galicia e 13.2º do Decreto 80/2000, polo que se regulan os plans e proxectos sectoriais de incidencia supramunicipal, sométese a información pública o proxecto sectorial do observatorio astronómico de monte Faro polo prazo dun mes durante o que calquera persoa poderá examinalo, en horario de oficina, nas dependencias da Dirección Xeral de Urbanismo sitas nos edificios administrativos de San Caetano, en Santiago de Compostela, e presenta-las alegacións, documentos e xustificacións que coide pertinentes.
Santiago de Compostela, 26 de xullo de 2000.
José Jesús Cudeiro Mazaira
Director xeral de Urbanismo